有消防局, 警察局, 之後是車車車!
消防局, 警察局$299玩具版Playset因為首批只有500 sets, 但全港幾十地點加書展有售, 所以應該好快售罄, 想平平地買俾小朋友玩的朋友可以同各Tiny Hobby Shops訂(上www.tiny.com.hk有shop資料)
以下有冗長行業敏感資訊, 不喜見諒
多得Wilson兩日一夜留廠, 在無冷氣的模房日夜監督師父趕工下, Tiny 車仔的壓鑄模終於完成兼作了第一次試啤, 可能大家由小到大買車仔就多, 但未必知"做車仔"究竟點做同幾錢?
其實如果你想做一架車仔, 8cm長左右, 只做一款要有外身一套鋅合金模, 車底座位一套塑膠模, 一套透明車窗模, 如要開門就要多一套 鋅合金模, 如果Tomica咁就係以上咁, 如果Kyosho咁就唔開門但多了車輪同橡膠呔兩套模, 以現在中國工業人工幣值計轉港幣, 一套模小的兩萬, 大的(如車身)四萬, 所以Tomica咁就要十至十一萬, Kyosho咁就十三至十五萬一部, 所以車仔幾十年來來去去十幾個品牌, 就是投資大, 銀碼細, 回本期長, High Speed, Hotworks, Racing champs, Creative Master, GMP已成為歷史....
Tiny一次開七款, 因放埋同一套模, 所以以上投資打個八折, 但都要每款出下唔同色, 夾埋賣到一萬部來回本(因為批發予店我們只賺毛利不到十蚊), 而且當中雪糕車, 煞神裝甲車只合香港市場, 所以賣一萬架是mission impossible, 所以這兩款車車身小但不是$39而是$49, 希望大家見諒! 我們都係蝕梗, 只因有感情!
而下圖就勁啦, 多謝Peako Model Jack兄代工, 全球第一架 1/18 Sprinter, 一做就是香港交通部警車, 咪話香港人一定要同德國買等德國出, 今次德國要等我們做完香港才做歐洲版警車, 我也要多得巴士迷林生研製了一套近乎完美的充電聲光系統, 連響安"De De"聲都有埋! 相中只是初辨, 仍有N樣野要改進, 我等Depot Model Dennis兄詳細指點一下, 他是隱世高人! 其實一架車的比例模型, 雖然不可能完美, 但好多位HK 巴打無私的, 不計較的, 全心為香港做好代表這裡歷史文化模型, 我是十分感謝他們每一位。
*模型級聲光版警車救護車不是我們第一個推出, 其實是由好友EMS Johnson發明! 每一架1/35他都是用心人手制作, 印同界真反光貼紙, 每一架充滿熱誠*
Search